“Улаанбаатар пропертиз” ХХК нь үл хөдлөх хөрөнгө худалдаа, зуучлал, оффис түрээс чиглэлээр 2013 оноос үйл ажиллагаа явуулж, өдгөө нийслэлийн хүн амын нягтаршил, орон сууцны эрэлт, хэрэгцээг судалж ард түмний хэрэгцээнд нийцүүлсэн орон сууцыг борлуулдаг билээ.

Манай хамт олон нийслэл хотын барилгын их бүтээн байгуулалт, иргэдийн ая тухтай амьдрах нөхцөл боломжийг бүрдүүлэх үйлсэд бодитой хувь нэмрээ оруулан ажиллаж байгаа гэж боддог. Өнөөдрийн байдлаар Баянзүрх дүүргийн найм дугаар хорооны нутаг дэвсгэрт Япон архитекторын төгс шийдлээр залуу гэр бүлд зориулсан 413 айлын Залуусын “Х апартмент” хотхон, Баянгол дүүрэгт Герман чанар европ стандартаар арван найм дугаар хорооны нутаг дэвсгэрт 72 айлын “Скай апартмент” орон сууц, Баянгол дүүргийн гурав дугаар хорооны нутаг дэвсгэрт Итали архитекторын шийдлээр баригдсан өндөр зэрэглэлийн 353 айлын “Гранде Вилла” хотхон, Чингэлтэй дүүргийн гурав дугаар хорооны нутаг дэвсгэрт европ стандартаар баригдсан өндөр зэрэглэлийн 15 айлын "White House Residence" орон сууц нийт 800 гаруй айл, өрхийн орон сууцыг 100% амжилттай борлууллаа.